Ang Department of Information and Communication Technology (DICT) inabagan sa kagamhanan sa Lungsod sa Bantayan magbutang na og free wifi sa mga publikong mga lugar diri sa lungsod.
Si Municipal Information System (MIS) Head, Johnmar Almaras maoy nagpahibawo niining nindot nga balita alang sa mga Bantayanon tungod kay nagsugod nag pamutang og mga wifi router ang DICT diri sa Bantayan.
Gani, duna nay mga pahibawo o mga sumbanan kun unsaon nato sa pag konektar sa libreng “WIFI” nga gipahimutang sa mga publikong lugar diri sa lungsod.
Kini nga programa natumong sa mga prayoridad ni Mayor Arthur E. Despi alang sa pagpasayon sa tanan labi na sa mga estudyante nga ganahan mag research gamit ang internet connection ug magamit usab kini panahon sa mga emerhensiya. / Jun Veliganio
