Nagpahigayon na usab sa ilang “vegetable community exchange” (barter) ang pito ka mga pilot barangay (Suba, Binaobao, Bantigue, Ticad, Doong, Luyongbaybay ug Botigues) sa gipatuman sa “Food Always in the Home” (FAITH) program sa kagamhanan sa Lungsod sa Bantayan.
Pinaagi sa paningkamot sa atong Municipal Agriculture’s Office (MAO), Purok System Office ug sa abag sa ARK Feedback Foundation mas napalapdan karon ang gihimong fiesta sa kabarangayan pinaagi sa matag purok.
Kun magpadayon kini nga programa ug maapil na ang laing mga barangay sa FAITH Program mas dako ang kahigayonan nga magmalampuson ang gitinguha ni Mayor Arthur E, Despi nga “food security program” alang sa tanang Bantayanon. / Jun Veliganio
