INAUGURAL Silang Gov. Gwen Garcia, MCIAA GM Julius G. Neri Jr., Maj. Gen. Gilbert Llanto (Ret.), DOT Asec. Judilyn Quiachon, BM Glen Soco, BM Kerrie Shimura, Mayor Arthur E. Despi, Mayor Ithamar Espinosa, & Mayor Romeo Villaceran mipahigayon ceremonial slicing sa cake.
INAUGURAL Silang Gov. Gwen Garcia, MCIAA GM Julius G. Neri Jr., Maj. Gen. Gilbert Llanto (Ret.), DOT Asec. Judilyn Quiachon, BM Glen Soco, BM Kerrie Shimura, Mayor Arthur E. Despi, Mayor Ithamar Espinosa, & Mayor Romeo Villaceran mipahigayon sa ceremonial slicing sa cake.

August 28, 2024 (Santa Fe, Cebu) Nagsugod na gyud ang regular nga biyahi sa commercial plane gikan sa Mactan Cebu International Airport padulong sa Bantayan Island Airport nga nahimutang sa lungsod sa Santa Fe niadtong Agosto 28, 2024.

Gitambungan ang Inaugural Flight Ceremony nilang Governor Gwen Garcia, MCIAA General Manager Julius Neri Jr., mga representante sa KATTSI/ACDI Multi-Purpose Cooperative, Tourism Asec. Judilyn Quiachon, duha ka board members,tulo ka mga mayor sa Isla sa Bantayan ug ubang mga bisita.

LEADING EDGE Isip tradisyon, gihimo ang “water canon ceremony” gamit ang mga firetrucks atol sa pag-abot sa maiden flight sa Leading Edge

Ang 72-Seater Leading Edge maoy airline company nga mobiyahi kaduha sa usa ka semana diri sa isla sa 888pesos lamang anng pletehan matag pasahero ug moabot lang sa 25 ngadto sa 30minutos ang mibiyahi niini gikan sa MCIA padung sa Bantayan Island Airport.

MISUGAT. Personal nga misugat sa mga pasahero sa eroplano ang tulo ka mga mayor sa Santa Fe, Madridejos ug Bantayan didto sa Bantayan Island Airport atol sa Inaugural flight

Gipahibawo sa gobernador nga iyang paninguhaon nga magpabilin sa 888pesos ang pletehan sa eroplano aron daghang mga Bantayanon ang makapahimulos niini sa barato nga pletehan ug sa dali kaayo nga biyahi.

Gihangop sa tulo ka mayor ang katumanan sa gisaad sa gobernador nga magbutang og commercial flight alang diri sa Isla sa Bantayan kay makadugang kini sa gidaghanon sa pagdagsang sa mga turista ug makapalambo pa gyud sa ekonomiya.

Kun magpabilin ang pletehan sa barato ra nga presyo dako ang pagtoo sa mga mayor ug sa gobernador nga mapasayon nalang unya ang pagbiyahi sa mga Bantayanon ngadto sa Mactan Aiport bisan kun dili kini kwartahan kay affordable ra man kaayo ang 888pesos matag pasahero. / Jun Veliganio