Gisugdan sa usa ka civic parade ang kasaulogan sa “Bantayan Day” kaniadtong June 30, 2024 diri sa atong Lungsod sa Bantayan nga giapilan sa nagkadaiyang sektor, government agencies ug mga opisyal ug trabahante sa munisipyo.

Dunay gipahigayon nga “band palabas” nga giapilan sa onse (11) ka mga nagkadaiyang grupo gikan sa tulo ka lungsod sa atong isla.

Ang programa pagka gabii maoy pinaka-importanteng kalihukan sa selebrasyon tungod kay mihatag si Mayor Arthur E. Despi sa iyang State of the Municipal Address (SOMA) human sa gipagawas nga AVP sa iyang mga programa ug mga proyekto.

Gihimo usab ang pasiunang paglusad sa programa sa lungsod nga Beautiful Children ug ang pagpadungog sa bag-ong Bantayan Hymn nga gikanta ni Fr. Jun Agravante nga mao usab ang Kura Paroko sa Parroquia de San Pedro Apostol.

 

Dako ang pasalamat ni Mayor Despi sa tanang mga miapil sa kalihukan sa Bantayan Day 2024 kay malampuson ug malinawon kini pinaagi sa tema nga “Duyan ang Kadagatan”.