by: Jun Veliganio
Nagpinirmahay nag kasabutan ang kagamhanan sa Lungsod sa Bantayan nga gi-representahan ni Mayor Arthur E. Despi ug sa PhilHealth Region VII Help Desk nga gi-representahan usab ni Regional Vice President Marjorie Cabrieto.
Sa Memorandum of Agreement (MOA) nahisgutan ang pagpalapad sa programa sa PhilHealth Konsulta para sa mga Bantayanon pinaagi sa Rural Health Unit pinangulohan ni Dr. Samantha Tinsay.
Target sa PhilHealth ug sa lungsod nga tanang katawhan sa Bantayan nga moabot sa kapin 80mil ka mga tawo, kinahanglan mamahimong miyembro sa PhilHealth.
Gani, kaganiha nag turn-over na sa labing unang PhilHealth Claims ngadto ni Mayor Despi nga mobalor sa kapin 9milyones pesos alang sa mga naunang nagpa-miyembro sa PhilHealth sukad niadtong miaging tuig diri sa Bantayan.
Mitambong usab kaganiha atol MOA Signing ang mga konsehal sa lungsod sama nilang Apollo Cesa, Janet Hubahib, Edwin Deldig, Mico Pacheco, Jed Umbao, Boy Layese, LnB President Vesette Llenes ug SK President Darryl Josef Despi.