𝗞𝗔𝗕𝗔𝗕𝗔𝗬𝗘𝗡-𝗔𝗡 𝗗𝗜𝗟𝗜 𝗕𝗜𝗡𝗨𝗔𝗡𝗚𝗔𝗡 𝗞𝗔𝗬 𝗦𝗔 𝗧𝗥𝗔𝗕𝗔𝗛𝗢 𝗞𝗔𝗦𝗔𝗟𝗜𝗚𝗔𝗡

Selebrasyon sa National Women’s Month sa lungsod sa bantayan pormal nang gitapos pinaagi sa usa ka parada ug mubo nga programa.

Gitambungan ang culminating activity sa mga representante sa GAD focal, VAWC ug women’s group sa 25 ka mga barangay.

Diha usab sila si mayor Art Despi ug Konsehal Janet Montemar Hubahib atol sa progama.

Ang National Women’s Month activity diri sa Lungsod sa Bantayan gipasiugdahan sa Rural Health Unit ug Municipal Social Welfare and Development Office hangtod gitapos karong adlawa, Marso 30, 2023.

Sa iyang mensahe giklaro ni Konsehal Janet Hubahib ang ka importante sa kababayen-an sa atong komunidad labi na sa ilang mga katungod ug benepisyo.

Gihisgutan gihapon ni Mayor Despi ang kabahin sa iyang programa bahin sa food security, mental health, gender development ug nutrition nga moresulta sa maayong panglawas.

Mapasigarbuhon usab ang mayor kay sa pagkakaron daghan na kaayo ang kababayen-an nga mas milabaw pa sa kalidad sa mga lalaki tungod sa ilang ka seryuso sa trabaho.

Gidayeg usab sa Mayor ang mga purok leaders sa kabarangayan tungod sa ilang dedikasyon sa trabaho nga angayan gyud nga pasidunggan. / Jun Veliganio